Tysnes kommune har avtale med Interkommunalt arkiv i Hordaland IKS (IKA Hordaland) om leige av depot for papirarkiv.
Tysnes kommune har deponert eldre administrativt arkivmateriale frå 1837 til 2016 til IKA Hordaland. Bestanden av administrativt arkivmateriale utgjer 202 hyllemeter. I tillegg er det deponert 44 hyllemeter personregistermateriale. Personregisterarkiva er registrert i ASTA under arkivskaper med namn og fødelsdato, og er tilgjengeleg for oppslag hjå IKA Hordaland. Dei administrative arkiva 1837-1995 er ordna etter norsk allment arkivskjema, arkivavgrensa, kassasjonshandsama og listeført i tråd med arkivforskrifta. Arkiva 1995-2016 er under ordning hjå IKA Hordaland
IKA Hordaland og papirdepotet er lokalisert i Hansaparken i Kalfaret i Bergen og har besøksadresse: Kalfarveien 82. Papirdepotet oppfyller krav til spesialrom for arkiv i tråd med føresegnene i kapittel IV i forskrift om offentlege arkiv.
Katalogen er tilgjengeleggjort på arkivportalen.no:
Arkivmateriale eldre enn 100 år blir kontinuerleg skanna og gjort tilgjengeleg.
Materialet er publisert til digitalarkivet.no:
